နေရောင်ခြည်၏ အရိုးစု

ငါ့ဟင်းလင်းပြင်ထဲ
မောဟတွေ ဒုန်းစိုင်းဝင်လာပြီ။

ပြီးခဲ့တဲ့သီချင်းများအတွက်
တစ်ယောက်မျက်လုံးကို တစ်ယောက် ချောင်းကြည့်ကာ
အံ့သြမိရဲ့။
လက်ဖ၀ါးပေါ်က အရေးအကြောင်းများကို
ယုံကြည်ရင်ခုန်ဖို့
မသေချာမှုတွေထင်ရှားဖို့
စာရိတ္တအဟောင်းကို လဲလှယ်ပစ်ဖို့
ကိုယ့်ကိုယ်ကို တာဝန်သိခဲ့၊
မမြင်နိုင်တဲ့ အမှားအယွင်းများကြောင့်
ရခဲ့ဖူးတဲ့ နောင်တတွေကို
တမင် မေ့လျော့ပစ်ခဲ့၊
လူ့အဖြစ်ရဲ့ ဟာသတချို့မှာ
လွှတ်ခနဲ အသိဉာဏ်တွေရှိတယ်။

စနစ်တကျ. . .ဟုတ်လား
ငါတို့ရဲ့ ဆင်ခြေဟာ
စည်းကမ်းမဲ့ခဲ့ပြီ။

ဟိုးရှေ့ဆီက စိမ်းစိုမှုအရောင်များ
ပညာရှိတစ်ယောက်ရဲ့ စာမျက်နှာ
သင်တို့လည်း ဒုက္ခနဲ့ပျော်ရွှင်ဖူးမယ်။

ဟေ့. . .သူစိမ်း
ဒီအရပ်မှာ
အလင်းရောင်များလှချည့်လား။ ။
ဝေမှူးသွင်
(လူပြိန်းရဲ့ အချစ်ဖြစ်ပွားရာကဗျာစာအုပ်မှ)

ကြေးစား

ကံကြမ္မာဟာ
ဘီးလို လည်နေသမျှ
ငါက စမုတ်ချောင်းတွေလို ကျင့်ရမှာပဲ။

ငွေနဲ့ဝယ်ထားတဲ့ နှလုံးသား
ဘယ်လိုအရေပြားအောက်မှာ
ပူနွေးစေမလဲ။
အချိန်ကာလကို
ဖျော်ဖြေဖို့ဆိုတာ
ယဉ်ကျေးမှုကို လိမ်ထားဖို့ လိုလိမ့်မယ်။

ဒီနှစ် ဆောင်းမှာတော့
သစ်တော်သီးတွေ ရှားရဲ့။

ကွေ့ကောက်သောလူတွေအဖို့
မျဉ်းဖြောင့်ဟာ အမှားပဲပေါ့

တိရစ္ဆာန်တစ်ကောင်လို
အစွဲအလန်းတွေနဲ့
ငါ့ခေတ်ကပဲ
ငါ့မျက်လုံးတွေကို သင်ကြားတယ်။

အားလုံး ဉာဏ်နဲ့ဆိုပေမယ့်
စဉ်းစားပုံခြင်းကတော့ ကွာရဲ့။ ။
ဝေမှူးသွင်
(လူပြိန်းအချစ်ဖြစ်ပွားရာ ကဗျာစာအုပ်မှ)

မွေ့နေအတု

ဒီနေ့ရဲ့အစကို
တောခွေးအူသံလို ထစ်ချုန်းဖွင့်လိုက်တယ်။
လွင်တီးခေါင်ထဲ
ကြားနေကျမုန်တိုင်းကို ပွတ်သပ်၊
ဆူးချုံတွေနဲ့ ဆာလောင်မှုက
နယူးယောက်မြို့ကြီးအကြောင်း နားထောင်ဖို့
ငြင်းဆန်ကြတယ်။

ငါမုန်းတာက
ငါသိပ်နားမလည်တဲ့ Happy Birthday ဆိုတဲ့အသံ၊
ငါ ချစ်တာက
ကောင်မလေးတစ်ယောက်ရဲ့ မပီမသ စကားသံ၊
အိပ်မက်ကို ကြယ်တွေစုံစေဖို့
သိစိတ်က မသိစိတ်ကို အနိုင်ရဖို့
ခြောက်ကပ်ကပ်ကွင်းပြင်တွေ လန်းဆန်းဖို့
ထားခဲ့ပါ။
အဓမ္မမှု ဆယ်သုံးအောင်စနဲ့ ခန္ဓာကိုယ်မှာ
ကိုယ့်ကိုယ်ကို အချိုးဖျက်ခြင်းများ၊
တစ်ချိန်လုံးလည်း
ငါ ငှဲ့သောက်လိုက်တဲ့အဆိပ်တွေသာ
အာဟာရ ရှိခဲ့ပြီ။

လူသံတွေ ခံ့ညားရုန်းကြွလာခဲ့၊
အေးစက်နေတဲ့ကမ္ဘာမြေကြီးအတွက်
အပျင်းပြေရုံ ငါ ဆူလောင်ခဲ့ပေါ့။

ကောင်းပြီလေ. . .
ဘာပဲဖြစ်ဖြစ် ဟော့ဒီနေ့ကို
ပုစ္ဆာမဖြစ်သေးတဲ့ ပုစ္ဆာတွေနဲ့
စိတ်ရောကိုယ်ပါ သင်္ကြန်ကျလိုက်တော့မယ်။ ။
ဝေမှူးသွင်
(လူပြိန်းရဲ့ အချစ်ဖြစ်ပွားရာ ကဗျာစာအုပ်မှ)

မျက်နှာချင်းဆိုင် အဖျား

အခုတလော
မင်းအကြောင်းရနံ့တွေက
လေထုမှာ တုန်ခါနေရဲ့။

မင်းကပေးခဲ့တာလား။
ငါက တောင်းခဲ့တာလား။

အဖြစ်အပျက်ကပဲ ဦးဆောင်ခဲ့သလား။
ခံစားမှုကပဲ ဦးဆောင်ခဲ့သလား။

မေးခွန်းတွေထဲမှာပဲ
ငါက အချစ်ကို မြှုပ်နံထားမိပြီ။
မင်းရဲ့အကြေးခွံတွေမှာပဲ
ငါက ရှုံးနိမ့်ခဲ့ပြီ။

စက္ကူတစ်ရွက်ပေါ်
စိတ်ညစ်ညစ်နဲ့ လျှောက်ရေးမိတော့
မင်းနာမည်က လက်ရေးအလှဆုံးပဲ။
မျက်လုံးချင်း စမ်းသပ်ကြည့်တော့လည်း
မင်းရဲ့ ရဲဝံ့မှုကို အံ့သြရတယ်။

ဘယ်လောက်ရှုပ်ရှုပ်
ရုပ်သေးကြိုးတွေကို ချစ်မိပေါ့။

မင်းက ပထမဆိုတာကို ဂုဏ်ယူသလို
ငါက ခေတ်ကာလဆိုတာကို
အာသာမပြေဘူး။

အခန်းထဲ အဖျားခတ်လာတဲ့ ဆောင်းလေမှာ
ပူအိုက်နေတဲ့ ငါ့သတိရခြင်းများ
မင်း မျက်တောင်ပေါ်က ငါ့ကဗျာ
ဒါဟာလည်း ရိုးစင်းတဲ့
လူသားသမိုင်းတစ်မျိုး ဖြစ်ရဲ့။

ကဲ. . .အချစ်
ဟိုးက ဂုဏ်ဒြပ်တွေကို
ငါ့တို့ ဟားတိုက်ကြရအောင်. . .။ ။
ဝေမှူးသွင်
(လူပြိန်းရဲ့ အချစ်ဖြစ်ပွားရာကဗျာစာအုပ်မှ)

မတွေးမိသောဘ၀

(၁)
ငါတို့ လွတ်ခဲ့တဲ့ ငါးတွေလို
မိထားတဲ့ငါးတွေဟာလည်း ထွားပါတယ်။

အချစ်ကို
ကြိုတင်လေ့ကျင့်ထားတဲ့ ဇာတ်ဝင်ခန်းအတိုင်း
မျက်စိမှိတ်ပြမိရဲ့။
မင်းဆက်လျှောက်ဖို့လမ်းတွေဟာ
အရင်လိုပဲ ခက်ခဲသေးလား။

သစ်ပင်တွေရဲ့ ရာဇ၀င်
ဒီနေ့ မပြောဖြစ်တော့ပါ။
ကိုယ့်သီချင်းကိုယ် နားထောင်ရတဲ့အခါ
လူဟာ စိတ်ကြီးဝင်မှာပဲ။
မင်းက ခံစားလွယ်သူမို့
တစ်ခုတော့ပြောမယ်။

“ငါ့အကြောင်း သိပ်မတွေးပါနဲ့. . .”

(၂)
ကမ္ဘာပေါ်က
နေရောင်မရှိတဲ့မြို့ကြီးတွေမှာ
ပန်းမပွင့်တဲ့ ဥယျာဉ်တွေမှာ
ဝမ်းနည်းစရာ လူသားများ
ဘာကို ရှာဖွေနေကြသလဲ။
ဘာသာတရားလား
သုံးမရတဲ့အတွေးအခေါ်လား
ဒါမှ မဟုတ်. . .
မြေကြီးလိုသစ္စာမျိုးလား။

ဘာပဲဖြစ်ဖြစ်ကွာ
လာ. . .အချစ်
ကမ္ဘာ့လူသားတွေဆီ
ငါ့တို့မေတ္တာတရားကို ကိုင်းကူးပေးမယ်။

မင်းရှေ့ရေးအတွက်
အလေ့အလာ၊ အမှတ်သညာအားလုံးဟာ
ငါ့နှလုံးသားမှာ ပွင့်တယ်။
လူဆိုတာကလည်း
လေတံခွန်လို အနေအထိုင် တစ်မျိုးပါပဲ။

အခု-
ချောက်ထဲက ကိုယ့်ကျင့်တရားတွေဟာ
ငါ့ခရမ်းရောင်ကို စိမ်ခေါ်နေကြပြီ။
ငွေကြေးဆိုတဲ့အသိများ
မျိုးပွားနေကြပြီ။

ဒီမှာတော့. . .
အဟောင်းတွေချည်းပဲ
ပုစ္ဆာတွေချည်းပဲ
ငါကလွဲလို့
အားလုံး တစ်ကိုယ်ကောင်းဆန်ကြတယ်။

(၃)
မင်း ရယ်သံတွေနဲ့
ငါ မယဉ်ကျေးနိုင်သေးသရွေ့
ပထမဆိုကို ငြင်းမယ်
အကောင်းဆုံးဆုကိုပဲ လက်ခံမယ်။

ပျော်ချင်ယောင်တော့
မဆောင်ပါနဲ့ အချစ်ရယ်. . .
ဒီရုပ်၊ ဒီခန္ဓာမှာပဲ
ဒီနေ့တွေကို
မနေ့ကအတိုင်း မစဉ်းစားနိုင်ခဲ့ဘူး။

(၄)
သာမန်လူများအတွက်
မီးရထားကြီးတစ်စီးလောက် ပိုင်ချင်ပါတယ်
ပျော်ရွှင်ခြင်းတွေ ခုတ်မောင်းဖို့. . .။ ။
ဝေမှူးသွင်
(လူပြိန်းရဲ့အချစ်ဖြစ်ပွားရာ ကဗျာစာအုပ်မှ)

ကတ္တီပါများ

ဘာကိုမှ မလေးနက်ဘဲ
ဘယ်ဝါကျကိုမှ ချမရေးဘူး။

ငါ့သစ္စာတရားက
ပန်းပွင့်လို အသံမြည်ပြီး
ဆင်တစ်ကောင်လို နှာမောင်းသန်တယ်။
သေးငယ်တဲ့ထွန်ကြောင်းတွေ
ဇရာ၏ အမှတ်အသားများ
ဘ၀ကို စိတ်ရှည်ရန်
ဆေးပြားတွေနဲ့ ရော့ခ်ဂီတဟာလည်း
အရေးကြီးကြရဲ့။

လမ်းတိုင်းမှာ ပလက်ဖောင်းမလိုပေမယ့်
မိုးကြိုးကတော့
အသံထွက် ကျယ်ဖို့လိုတယ်။

လေထဲက ဖုန်မှုန့်တွေက
သံသရာအတိုင်းပဲ. . . မိုက်တယ်။

အတက်တုန်းက ဆင်းခဲ့တာတွေအတွက်
အဆင်းမှာ တက်ကြရပြီ။
လက်အားနေလို့
ရန်သူကို လက်ဆွဲဂုဏ်ပြုလိုက်ပြီ။

ဒါ ကစားနည်းသစ်ပေါ့။
ငါ့ရှေ့မှာ
မီးဆိုက်မရတဲ့ ထင်းလှည်းများစွာ. . .
ဘာသာပြန်ထားတဲ့ ရမ္မက်များစွာ. . .

ဖိတ်စင်ခဲ့သော အခြေအနေတွေအတွက်
ဖိနပ်တွေကို ပြင်ထားမယ်။
သို့သော်. . .
လမ်းများကိုတော့ ငြင်းကြစို့။ ။
ဝေမှုးသွင်
(လူပြိန်းရဲ့ အချစ်ဖြစ်ပွားရာ ကဗျာစာအုပ်မှ)