ပန်းသလားခင်

တွေးလိုက်ပါတဲ့မောင်ကြီးရယ်
ရေးလိုက်ပါတဲ့မောင်ကြီးရယ်
ခေါက်ထီးလေးဝယ်ဖို့။

မီးဖိုချောင် မပြောင်သေးလို့
ကလောင်ချွေးစို့. . .။

တစ်တိုက်တက် တစ်တိုက်ဆင်း
မဂ္ဂဇင်းတဲ့ မောင်ကြီးဝင်
ခြေကျင်နဲ့ ကုန်းကြောင်း။

အယ်ဒီတာဟိုလူကြီးရယ်
ဆီးကြိုလို့ မောင်းသတဲ့တော်. . .။

တိုက်ပေါ်က မောင်ကျလို့
အပ ရယ်မှီ။
ထွီစရာတောအရက်နဲ့
မက်သနောသောက် ပျောက်. . .။

ဆေးပြင်းလိပ်တိုကိုခဲ
စားပွဲမှာတဲ့ တင်ပျဉ်ခွေ။

စာရွက်တွေ တဆုတ်ဆုတ်နဲ့
အိမ်ရှုပ်တယ်တော့်. . .။

ဆန်ကွဲကိုပြာ
ဆန်ညှာကပေါက်သောက်။

တော့်ကဗျာစာမူခရယ်
အူရှလို့ပေါက်. . .။

ပဲဟင်းမှာဆားပေ့ါလို့
အားလျော့ပြီကွယ်။

သည်အရွယ်
သည်မယ်မှာ ကဗျာသမားနဲ့
မှားလို့မှ ညားသလေ့တော်. . .။ ။
မောင်ခိုင်မာ
(စွယ်တော်မဂ္ဂဇင်း-၁၉၈၉-ဖေဖော်ဝါရီလ)

ဧည့်စာရင်းစစ်ဆေးခြင်း

လူဘ၀ဆိုတဲ့
ဗဟိုချက်မကျတဲ့
တည်းခိုခဈေးကြီးတဲ့
ဧရာမဟိုတယ်ကြီးထဲမျာ
ခရီးလှည့်လည်ခဲ့သူ
ဧည့်သည်သစ်တွေဟာ
ဝတ်လစ်စလစ်နဲ့ ရောက်လာကြတယ်။

တချို့ကြတော့
တည်းခိုခအတွက်
လက်သိပ်ထိုပြီး
တိုးတိုးတိတ်တိတ်
ကျိတ်ကျိတ်ဝှက်ဝှက်
အရှက်တရားကို ရောင်းကြ
နှလုံးသားကို ရောင်းကြ
ဦးခေါင်းကို ရောင်းကြ
ဘ၀ကိုရောင်းကြ
တိုတောင်းတဲ့ ခဏတာမှာ
လှပတဲ့ ၀တ်စုံသစ်တွေနဲ့
ယစ်ရွှေရည်တွေကို ၀ယ်ကြပေါ့။

တချို့ ကြတော့
မာနနဲ့ သိက္ခာကို
အဟာရနဲ့ ရိက္ခာနဲ့ မလဲ
ပသာဒ၀တ်ရုံနဲ့ မလဲ
ဆင်းဆင်းရဲရဲနဲ့
တင်းတင်းမြဲမြဲ နေသွားခဲ့. . . ။

အို. . . .တည်းခိုသူများ ခင်ဗျာ
ဟိုတယ်မန်နေဂျာရဲ့
ဧည့်မှတ်တမ်း စာအုပ်စင်မှာ
(မိမိအပါအ၀င်. . . )
ကိုယ့် ကိုယ်ရေးရာဇ၀င်ကို
ဘယ်သူ မြင်ခဲ့ပါသလဲ
ဘယ်သူ ဖတ်ရှုခဲ့ပါသလဲ။ ။
မောင်ခိုင်မာ
(မြတ်လေး မဂ္ဂဇင်း၊ ၁၉၈၈၊မေလ)
(ငွေလမင်းကို နမ်းတဲ့ည ကဗျာစာအုပ်မှ)

လျှာသုတေသန

မောင်ခိုင်မာရဲ့ ငွေလမင်းကိုနမ်းတဲ့ည ကဗျာစာအုပ်မှ ကဗျာများ ဖြစ်ပါတယ်။ မဂ္ဂဇင်း အသီးသီးမှာ ဖော်ပြခံထားရတဲ့ ကဗျာများကို စုစည်းထားတာဖြစ်ပါတယ်။

လျှာသုတေသန

လူဟာ. . .
လျှာတစ်ခုနဲ့
သာဓုသံဖွဲ့၊ ကာရန်နွဲ့တယ်။
လူဟာ. . .
လျှာတစ်ခုနဲ့
ငါ ဟုမာန်ဖွဲ့၊ ကာရန်မဲ့တယ်။
တစ်ခါတစ်ခါ
သကာချိုပျား၊ လူ့လျှာဖျားမှာ
သကြားခဲတွေဖြစ်သွားတယ်။
တစ်ခါတစ်ခါ
တမာလိုခါး၊ လူ့လျှာဖျားဟာ
မုသားသည်းခြေဖြစ်သွားတယ်။
လျှာဆိုသည်မှာ
တစ်ခါတစ်ကြိမ်
ပင့်ကူအိမ်လား
တစ်ကြိမ်တစ်ခါ
ရွှေလိပ်ပြာလား။
အသွားနှစ်မြှောင့်
အမှားစောင့်တဲ့လျှာ
ကြောင့်ကြပါဘိတကား
စကားအဖြောင့်
တရားစောင့်တဲ့လျှာ
တောင့်တပါ၏ဘုရား. . . . ။ ။
မောင်ခိုင်မာ
(ရုပ်ရှင်တေးကဗျာ၊ ၁၉၈၉၊ ဒီဇင်ဘာလ)