လောကရဲ့တောက်ပမှုအောက်မှာ
ငါ ရေငတ်တယ်။
ညနေ ၆နာရီကျော်လျှင်
ငါ့လို လမ်းဘေးဓာတ်တိုင်
ငါ့လို မီးလင်းမြဲ။
လမ်းမပေါ်
ဓာတ်တိုင်လို
မှတ်တိုင်လို
ငါ ရပ်တွေးခေါ်နေတာ
ဘယ်လောက်ကြာပြီလဲ။
သန်းခေါင်သန်းလွဲ
ကြယ်တွေအရည်ပျော်လို့
ချိုင့်ခွက်ထူပြောသော လမျက်နှာပြင်ပမာ ငါ့မျက်နှာ
ဘ၀အမောဟုသာ ပြောပြချင်ပါတယ်။ ။
ဝင်းမြင့်
(လူပြိန်းရဲ့ အချစ်ဖြစ်ပွားရာကဗျာစာအုပ်မှ)
No comments:
Post a Comment