Saturday, February 24, 2007

တစ်ဘ၀တာ

နှာခေါင်းသွေးထွက်တဲ့ အပျက်ပျက်ညတွေမှာ
ခင်ဗျားတို့ မှောင်မည်းမည်းထဲ
ယောင်ယမ်းယမ်း လက်ဆန့်တန်းဖူးကြမှာပါ။
ကျွန်တော့်လက် မကွေးမီ
ခင်ဗျားတို့လက် မဆန့်သေးမီ
ညတွေဟာ ရှုပ်ထွေးပွေလီလွန်းကြတယ်။

လမိုက်ည အလွန်တစ်ရက်
ခရီးဆက်ဖို့ လမ်းထွက်ခဲ့တယ်။
နီယွန်မီးရောင်အောက်က ရန်ကုန်မှာ
မွန်းကြပ်ကြပ် အသက်ရှုကြဖို့
လူတွေ. . .
ဘ၀ကို စတေးနေကြရဲ့
အလှအပကို ပါးစပ်ဖျားကမချတဲ့
ဂျေဒိုးနပ်မှာ မိတ်ကပ်ခြယ်အလှနဲ့
လောင်စာဆီ ဖြည့်နေကြရဲ့
ငွေကိုငွေနဲ့ . . .ဘ၀ကို ဘ၀နဲ့
ငွေကို ဘ၀နဲ့ . . .ဘ၀ကို ငွေနဲ့
မျှောလိုက်
မျောလိုက်နေကြရဲ့။
ဝမ်းတစ်ထွာက ကုလားအုတ်လို
အိတ်အပိုပါကြရဲ့. . . ။

ညတွေက ရှုပ်ထွေးပွေလီလွန်းကြတယ်။
မှောင်မှောင်မည်းမည်း ယောင်ယောင်ယမ်းယမ်း
ခန္ဓာကိုယ်တစ်ခြမ်းနဲ့ ကျွန်တော်
အရိပ်ကို အရိပ်နဲ့
သံသရာကို သံသရာနဲ့လိုက်ဖို့
လမ်းဆက်လျှောက်ခဲ့တယ်။
ဟော. . . တွေ့ပြီ
အခန်းတစ်ခန်း
ဈာပနအရောင် လွှမ်းနေတယ်။
ပုပ်အဲ့ဝေသီ
အနံ့တွေ ညည်းစီနေတဲ့ အခန်း
စံပယ်ရနံ့တွေ သင်းပျံ့နေတယ်။
အခန်းက အခန်းတု
စံပယ်က စံပယ်အတု
ကျွန်တော်က ကျွန်တော်အတုဖြစ်လို့
ညတွေဟာ ရှုပ်ထွေးပွေလီလွန်းလှတယ်။ ။

1 comment:

NineNineSaNay said...

this one is really nice :)carry on