Friday, February 23, 2007

ငါတို့ရဲ့လူအဖြစ်

ကဲ
ဘာလိုသေးလဲ။
“ကတိစကား”. . .တဲ့
ပါကင်စက္ကူအလှလေးနဲ့
မုသားအပြည့်ထည်ထုတ်ထားတဲ့
အဲ့ဒီအထုပ်ကို လက်ဆောင်ရထားပြီးပြီ။

ဖန်ခွက်ချင်းနှုတ်ခမ်းတေ့
“ချီးယား”လို့ အားပါးတရအော်ပြီး
ငါတို့ တစ်ယောက်ကိုတစ်ယောက် သောက်ချပစ်လိုက်ကြတယ်။
ငါတို့ဟာ
ဘယ်လောက်သောက်သောက်မမူးတဲ့
အပေါစားအရက်တွေပဲလား။

အရပ်တကာဆီဖြာထွက်နေတဲ့
ဆန္ဒတွေနောက် ကိုယ်စီလိုက်ကြ၊
မင်းနဲ့ငါ ဒီလိုပဲဆုံတွေ့ကြရတယ်။

ငါတို့မွေးလာတာကိုက
တစ်စုံတစ်ရာမှားနေသလိုပါပဲလား။
ခွေးတွေကြောင်တွေကတော့
ဆရာဝန်မလိုသလိုချစ်ခြင်းမေတ္တာကို ခုတုံးလုပ်ဖို့လည်း မလိုခဲ့ပါဘူး။ ။
နရီမင်း
၂၀၀၆-ဒီဇင်ဘာ-Idea မဂ္ဂဇင်း

No comments: